Zindagi Karne Ki Phir Tahreek Andar Se Hui
Ghazal Muzaffar Hanfi
Zindagi karne ki
phir taHreek andar se hui
Zakham bahar the, tabii’at theek andar se hui
Tu ne kyuN itni
salakhaiN khiRkiyoN par taan diN
Dor saansoN ki teri baareek andar se hui
MaiN jisay baizaar
ho kar choR aaya tha kabhi
Ab wohi basti bahut nazdeek andar se hui
Hum yeh samajhe
the mu’mma zindagi ka hul hua
Aur phir paida nayee tashkeek andar se hui
Bhar liya hoga
paRosi ka ujaala chheen kar
Aap ki qandeel kyuN tareek andar se hui
Kashmakash thi ae
‘Muzaffar’ is zamiN aur bahr me
Doob janay ki mujhay tahreek andar se hu
Chiraagh Apne Hawa Dene Se PahleMuzaffar Hanfi
ChiraaGh apne hawa dene se pahle
Jalaane the bujhaa dene se pahle
MiyaaN kya lazmi tha khaak uRana
Kisi ko raastaa dene se pahle
Naseem e subh ko aayaa paseena
KhazaaN ko bad dua dene se pahle
Mila sakte ho kya hum se nigaaheN
Baghavat ki sazaa dene se pahle
Munaasib hai K paRh li jaaye takhti
Kisi dar par sadaa dene se pahle
Hamaaraa haarna tai ho chukaa tha
Tumhaare haath utha dene se pahle
Sakhi mashhoor the hum bhi ‘Muzaffar’
Magar sab kuchh luta dene se pahle
Kisi Ki Nabz, Us Ki Azmat E Kirdaar Girti HaiMuzaffar Hanfi
Kisi ki nabz, us ki azmat E kirdaar girti hai
Masihaa saamne hai surat E bimaar girti hai
Agar tum noor ke meenaar se lipte rahe to kya
K is ki roushni to jheel ke us paar girti hai
Agar bijli ko girnaa hai gire dasht O bayaabaaN par
Mere phalte darakhtoN pe hi kyuN har baar girti hai
‘Muzaffar’ woh mere fan ki bulandi dekhte kaise
Idhar to dekh kar naQQaad ki dastaar girti hai
Gira AaNkhoN Se Chaknaa Choor HokarMuzaffar Hanfi
Gira aaNkhoN se chaknAa choor hokar
Teraa saayaa, mujassam noor hokar
Agar socho to wazni ho gayee hai
Hamari baat naa manzoor hokar
Kisi ka paas aa kar door honaa
kahiN andar mahakna door hokar
Nazar Qaus E Qazah si tan rahi hai
Kisi ke jism se bhar poor hokar
‘Muzaffar’ dekhna kya ban gayi hai
Ghazal jazbaat se ma’moor hokar
Main To Bin Dekhe Bahal Jaunga
Muzaffar Hanfi
Main
to bin dekhe bahal jauNga, lekin tum log
Toor
kahta hai ke jal jauNga, lekin tum log
Khak se
raabta rakhna tumheN manzoor nahi
MaiN to mitti men bhi ral jauNga, lekin tum log
Dagmagata jo
nahi hai wo sambhalta bhi nahi
DagmagauN
ga, sambhal jauNga, lekin tum log
Tum bhi
charhte hue suraj ke pujari nikle
Ek pahar
aur hai! dhal jauNga, lekin tum log
Khud hi ek
shola E jawwala huN mera kya hai
Bhujh ke
us paar nikal jauNga, lekin tum log
Qaeda hai
hai ke pighal jata hai jalne wala
Raoshni
deke pighal jauNga, lekin tum log
